التجارب و التقييمات

تجربتى مع التخلص من الشعر فى المنزل باستخدام جهاز الليزر

السبب وراء موقع HairlLaserRemove.review هو مشكلتى الدائمة ازالة الشعر. يمكنكم الاعتقاد بانى أبالغ بس شخصيا كان بيمثلى مشكلة كبيرة نظرا للوقت و المجهود المطلوب بالاضافة للألم , ممكن عشان طبيعة جسمى و ممكن عشان طبيعة شخصيتى. ولكن اضطرارى الدائم للتعامل مع هذه المشكلة كان حاجة مش ظريفة

شخصيــا , قضاء ساعات كل يوم فى استخدام الكريمات او الحلاوة ثم افاجأ بعد بضع ايام فى حالة الحلاقة او اسبوع فى حالة الحلاوة بظهور الشعر ثانية ! الوضع كان ببساطة تكرار مرة والتانية و العاشرة ! الى متى ؟ المشكلة كانت تتلخص فى ان كل هذه الاساليب لها تاريخ صلاحية.

عند محاولة تذكر كل الوقت اللى قضيته فى هذه العملية,  و خصوصا عند التفكير فى الساعات اللى ضيعتها لازالة شعر الدراع , الرجل , المناطق الحساسة … الخ , اكيد كان يمكن استغلال كل هذا الوقت فى امر افضل.

رحلة البحث عن بديل أفضل

البديل الوحيد اللى قدرت افكر فيه هو ازالة الشعر بالليزر. حسب ماسمعت هو افضل وسيلة و الاهم انه للأبد. وبالتالى بمجرد ماسمعت عنه جذب انتباهى.

بدأت اسأل كل من اعرفه عن الموضوع و بحثت فى الكثير من المواقع العربية و الاجنبية , اكتشفت ان عيادات التجميل تحتاج مئات ان لم يكن الاف فى الجلسة. و المصيبة الاكبر, ان هذه المبالغ لازالة شعر الساقين فقط! لكى اكون صريحة, لم يكن عندى استعداد لدفع هذه المبالغ. و اعتقد ان المعظم كذلك. المحزن فى الموضوع انى لست الوحيدة, فبالتأكيد هناك الكثير فى نفس المأزق. وده بسبب ان معظمنا لايوجد عنده المعلومات الكافية عن الليزر المنزلى. و نقص المعلومات ادى الي منع الكثير منا من الحصور على نفس النتائج بمبلغ اقل بكتير من العيادات. ده بدون ذكر توفير الوقت و المجهود.

مامدى كفاؤته  !؟

على كل حال , نظرا للمبلغ المطلوب دفعه فى العيادات , بالاضافة لحجز الموعد , الانتظار , المشوار , الغيت فكرة موضوع التخلص من الشعر بالليزر نهائيا. و ثم قررت انه حان للتفكير فى جهاز الليزر المنزلى. او بمعنى ادق , ازالة الشعر بالليزر بنفسى.

بعد اول تجربة لم اتوقع مثل هذه النتيجة او بمعنى اصح لم اصدقها. انى اقدر اشترى جهاز ازالة الشعر بالليزر و استخدمه لوحدى و اتخلص من الشعر بالكامل وللأبد..! كل اللى كان ناقص , انى اختار افضل جهاز, استخدمه صح , واقول باى باى للشعر الزيادة.

وبالتالى الحل الوحيد المتاح لمعظم البنات هو استخدام الليزر المنزلى. بس المشكلة الحقيقية كانت فى ايجاد افضلهم من حيث الكفاءة و السعر والامان. اسعار الاجهزة مش رخيصة و الاهم هو عدم وجود معلومات كافية عن الموضوع. و منعا للخلط فى الفهم ؟ الانترنت فيه معلومات كتير عنها سواء مواقع البراندات , المنتديات و غيره. بس كلها فى صيغة تعريف بالاجهزة , اسعارها , انواعها … , بس ماكانش فيه تجارب حقيقية او مكان شامل بيحتوى على تجارب حقيقية من الاشخاص و فى نفس الوقت بيغطى كافة الاسئلة اللى بنبحث عنها.

و طبعا كنت متأكدة انى مش لواحدى اللى ببحث عن حل للمشكلة ده, و كتير بيدور على معلومات و نصايح عن كيفية الشراء والاستخدام والوصول لافضل نتيجة من استخدامها فى المنزل. لو حاولنا نفكر فى الموضوع, انتي بتاخدي قرار كبير عند شرائك للجهاز. لازم تتأكدي انك بتشترى افضل و أامن جهاز موجود. و عشان كده قررت انى اجاوب اهم الاسئلة فى الموضوع ده و باقى الموقع بيحتوى على كل المعلومات و اجابات الاسئلة و الأهم, افضل الاجهزة المجربة و المتاحة حاليا فى السوق.

هل توجد اضرار لاستخدام مثل هذه الاجهزة؟

طبعا ده اول و أهم سؤال بيدور فى ذهننا. وعشان كده اتأكدت ان اى جهاز نشرته فى الموقع امن بنسبة 100% للاستخدام المنزلى. ازاى ؟ ببساطة هتلاقى فى كل تقييماتى انهم مصرحين من الFDA و واخدين الموافقة للاستخدام فى المنازل. الجزء التانى انهم تم اختبارهم فى العيادات و المنازل للتأكد من قدرتهم على ازالة الشعر نهائيا.

تقنية النبض الضوئى IPL

أهم جزء عند استخدامك للجهاز هو اتباع الاوامر و التعاليم التى تاتى معه. يجب ان تتاكدى من انك بتشترى اجهزة امنة و متخصصة فى ازالة الشعر و مصنوعة خصيصا للغرض ده عشان تتجنبى اى اثار جانبية. و كمان فى مكملات مهمة زى الكريمات بتستخدميها اثناء الجلسات عشان تحصلىى على افضل نتيجة. و هعمل موضوع مخصوص للجزء ده ان شاء الله.

أهم الفوائد من وجهة نظرى

عندما بدأت فى البحث فى هذ الموضوع, اكتر من شخص سألنى ” ليه مهتمة بالموضوع ده, ايه المشكلة فى الحلاوة و تأثيرها بيدوم اكتر من الحلاقة كمان”, طبعا معظم الاسئلة كانت من الجيل القديم. و اللى واضح ان كتير مش بياخد باله منه , اننا مش بندور على افضل وسيلة للتخلص من الشعر فقط , انما بندور على افضل وسيلة للتخلص منه للأبد

ومش بس كده …

فيه سبب كتير مش بيكلموا عليه مع انه من اهم الاسباب اللى شخصيا عاجبانى فى هذا الموضع. خلاص كلنا عارفين ميزته الرئيسية. ولكن واحدة من اهم الاسباب التى لاحظتها سواء لو بتذهبى للعيادات او البيت هو البشرة. مع الاستخدام المستمر بتبدأ بصيلات الشعر تتغير و بالتالى بشرتك. كيف ؟ مع الوقت بتبدأ البصيلات تصغر و بالتالي تصبح البشرة أنعم.

اذا لا يقل الشعر و فقط, ولكن نموه بيتوقف. و فى النهاية يختفى و البصيلات تصغر و تقل. مع مرور الوقت, عند تمرير يدك على بشرتك لن تجدى اى مسام خشنة او شعر صغير. هذه محاولة للشرح قدر المستطاع, ولكن الخلاصة لن تشعرى ان المنطقة المعالجة بالجهاز خشنة مثلما كانت.. بمعنى اخر , ان بعد جلستين مثلا , نمو شعرك بيقل كتير. فحتى لو فى مناطق نسيتيها نتيجة لان البصيلات صغرت هتحسى بفرق. كثافة الشعر نفسها فى المنطقة بتقل. فحتى لو سيبتى الشعر يطول تانى برضه نتيجة لان المناطق قلت هتلاقى المنطقة انضف و انعم. و غالبا مش هتشوفى المناطق اللى نسيتيها حتى.

نقول مع السلامة للشعــر الزيادة

افضل حاجة فى هذا الموضوع, هو التخلص من الشعر المقرف ( اعذرونى فى اللفظ ). بس انا فعلا كنت بكرهه, الم الحلاوة , على طول مشكلة الثقة فى النفس , جربت الكريمات بس انك تستخدمها مرتين فى اليوم !؟ و خصوصا فى الصيف لما الكريمات تسيح نتيجة للحرارة ! و الشعور بالزهق !

تخيلى انك مش مضطرة تانى انك تحلقى , تعملى حلاوة , او تستخدمى الخيط ! انا عارفة انى ممكن اكون بكبر الموضوع بس فعلا كان موضوع مضايقنى على طول. الحاجة التانية انى شايفة مش ناس كتير بتتكلم على فوائد استخدام الليزر فى المنزل و عشان كده كتبت الموضوع ده. اتمنى ان يكون فى الموقع ده افادة لكل اللى من يعانى من نفس المشاكل و يوصل لنفس النتايج اللى وصلتلها.

أفضل جهاز ليزر؟

اعتقد ان كتير من البنات كان نفسهم انى ابدأ بهضه النقطة مباشرة. هما خلاص دوروا و قرروا انهم يشتروا  ولكن يريدون معرفة افضل اختيار.. باستقبل ايميلات كتير يوميا بتسأل ” ايه افضل جهاز ليزر لازالة الشعر بالمنزل “؟

اولا .. عملت صفحة مخصوص بتقارن مابين افضل اجهزة الليزر المنزلى المتاحة حاليا فى السوق و مقارنة مابينهم و كمان موضوع لكل جهاز علىى حدة.

ثانيا .. افضل جهاز ليزر فى رأيى هو Tria Hair Removal Laser 4X. يعتبر فعلا افضل جهاز فى السوق حاليا وقدرت اشوف نتايجه فى جلستين فقط. بقالى بستخدم تريا 4X لمدة سنة ونص وماندمتش على مليم دفعته فيه. تقدري تقرئي تقييمى الكامل هنا.

ثالثا .. واحد من اشهر الاجهزة الحالية فى الوطن العربى و الافضل من حيث السعر و السرعة و بيعمل بتقنية النبض الضوئى بدل الليزر هو فيليبس لوميا الاصدار التاسع. له صدى واسع و مجرب و برضه تقدر تقرأ التقييم الكامل له هنا.

نصائح من مجرد بنت عادية

في بعض النقط المهمة اللى لازم تاخدى بالك منها بخصوص التخلص من الشعر بالليزر. اتمنى ان من خلال موقعى اقدر اوفر كل المعلومات لكل الزائرين او المهتمين بالموضوع. بالرغم من انى مش خبيرة دولية. انا مجرد بنت زى اى واحدة كانت بتعانى من المشكلة و حبيت اشارك الحل معاكوا. نتيجة لبحثى فى خلال السنين الماضية جمعت معلومات كتير جداا و اعتقد انى اقدر اوفر معلومات تساعدكوا فى اتخاذ افضل قرار.

اتمنى برضه انى اقدر اجاوب على كل الاسئلة اللى بتدور فى اذهانكوا. و هحاول على قد ما اقدر انى اكلم عن كل جهاز لواحده تفصيلا. و لو فى اى نقطة ناقصة او سؤال يمكن مراسلتى و هعمل موضوع مخصص ليها. و لو مريت بأى تجربة تحب تشاركها معانا ممكن تستخدم التعليقـــات لمشاركتنا رأيك و قصتك.